Doktor Proktor og prumpuduftið

Lísa er himinsæl þegar Búi flytur í hverfið og kynnir hana fyrir dularfullum nágranna þeirra, brjálaða prófessornum doktor Proktor. Nýjasta uppfinning hans, hið stórfenglega prumpuduft, verður til þess að þau þrjú bindast órjúfanlegum vinaböndum. En við sögu koma líka feðgarnir fúlu Þröstur, Þrymur og herra Þráinn, eiturslangan Anna Konda og önnur DÝR SEM ÞÚ VILDIR ÓSKA AÐ VÆRU EKKI TIL auk frönsku þokkadísarinnar Júlíettu Margarín. Ærslafengin saga fyrir krakka sem hafa gaman af smáfreti.

Doktor Proktor og prumpuduftið var fyrsta barnabók Jo Nesbø, eins þekktasta glæpasagnahöfundar heims. Hún sló rækilega í gegn í Noregi, hefur síðan verið kvikmynduð og bókaflokkurinn allur komið út í fjölmörgum löndum og notið gífurlegra vinsælda. Doktor Proktor birtist nú í heild sinni á Storytel, í stórskemmtilegum lestri Vignis Rafns Valþórssonar.

© 2022 JPV (Hljóðbók): 9789935293053

Þýðandi: Eiríkur Örn Norðdahl

Útgáfudagur

Hljóðbók: 24 mars 2022