Aha! KABÚMM!

Sævar og Sigyn reynast hafa misskilið spurninguna um það hvernig heimurinn varð til. Hvernig varð ALheimurinn eiginlega til, ekki bara jörðin okkar? Þau segja okkur nú frá því hvernig dúfnakúkur hjálpaði okkur að komast að sannleikanum um upphaf alheimsins og staldra við ýmislegt á leiðinni: örbylgjuofna, sjónauka og hið dularfulla hulduefni.

Sigyn Blöndal og Sævar Helga Bragason ættu flestir krakkar að vera farin að þekkja. Sjónvarp, útvarp, bækur og hljóðbækur - hvar sem þau koma við hafa Sigyn og Sævar einstakt lag á að flétta saman fróðleik og skemmtun, enda eru þau bæði klár og skemmtileg. Hér bregða þau enn og aftur á leik og velta upp hinum ýmsu spurningum sem brenna á okkur. Hvert fer eiginlega kúkurinn? Hvaðan kom allt? Og er mamma þín kannski geimvera? Í hljóðseríunni Aha! er gerð tilraun til að svara þessum, og fleiri, spurningum. Á leiðinni kemur reyndar líka margt í ljós sem alls enginn spurði að.

© 2022 Storytel Original (Hljóðbók): 9789180358002

Útgáfudagur

Hljóðbók: 22 juli 2022