Biðgeir

Biðgeir er gamall sérvitur einstæðingur sem leggur stund á hugleiðslu í stórmörkuðum sér til hugahægðar. Dag einn er hann staddur í Húsasmiðjunni /Blómavali í djúpri hugleiðslu þegar hann finnur fyrir óþægilegri truflun sem reynist stafa frá síðmiðaldra karlmanni sem stendur álengdar og fylgist með honum. Maðurinn spyr Biðgeir hvort hann sé ekki Sigurbjörn... sá sem beygði skeiðar á skemmtunum. Biðgeir bregst reiður við, enda hafði þessi maður eyðilagt fyrir honum sérdeilis vel heppnaða hugleiðslustund, auk þess virtist þessi ásökun – að hann heitii Sigurbjörn og hann hefði beygt skeiðar – leggjast illa í Biðgeir. Í framhaldi af þessum fyrsta fundi þessara manna fer af stað einkennileg og á stundum dularfull atburðarás, þar sem Biðgeir reynir allt hvað hann getur til að bjarga manninum (Ormi) úr helgreipum áhrifavaldsins Önnu Cordelíu.

© 2024 PublishDrive (Rafbók): 9789935204196

Útgáfudagur

Rafbók: 21 november 2024