Ekki fá þér hamstur

Varúð! Ekki hlusta á þessar sögur fyrir háttinn! Hrekkjavökur eru hræðilegar og fyndnar sögur fyrir hugrökk börn. Þið mætið allskyns kynjaverum og hrikalegum skepnum sem hafa hrætt líftóruna úr kátum krökkum alla tíð síðan í eldgamla daga. Alræmdu rithöfundarnir og hjónakornin Bergþóra Snæbjörnsdóttir og Bragi Páll Sigurðsson setja allar þessar ófreskjur í nýjan og spennandi búning. Nú er tíminn til að snúa lyklinum í skránni, leiða hjá sér marrið í hurðinni og hvinið í vindinum og hleypa óttanum inn fyrir þröskuldinn... og kannski hlæja smá í leiðinni. Edda er að flytja út á land og henni finnst mjög erfitt að fara frá vinum sínum og öllu sem hún þekkir. Til að bæta henni það upp gefa mömmur Eddu henni hamstur. En þegar nýjabrumið hefur fallið af hamstrinum og hún kynnist því að lífið úti á landi sé alls ekki jafn ömurlegt og hún hafði ímyndað sér, finnst Eddu hamsturinn hálf óspennandi. Og hún getur ekki sofið fyrir látunum í honum. Alltaf ískrar í hjólinu hans alla liðlanga nóttina. Á endanum opnar hún búrið fyrir honum og vonast til þess að hann láti sig hverfa. En samt fær hún ekki að sofa í friði því nú heyrist alltaf krafs sem virðist berast innan úr veggjunum. Fljótlega kemur í ljós að ekki er allt sem sýnist í húsinu í sveitinni. Ekki fá þér hamstur sækir innblástur í hræðilegar sögur um uppvakninga.

© 2024 Storytel Original (Hljóðbók): 9789180689526
© 2024 Storytel Original (Rafbók): 9789180689557

Útgáfudagur

Hljóðbók: 1 oktober 2024
Rafbók: 1 oktober 2024