Grunur

Grunur er mögnuð og taugatrekkjandi skáldsaga um martröð hverrar móður – að geta ekki elskað barnið sitt. Og um líðan konu sem enginn trúir.

Þegar Blythe eignast dóttur er hún staðráðin í að veita henni alla þá ást og hlýju sem hún fór sjálf á mis við í bernsku. En í þreytuþokunni fyrstu mánuðina eftir fæðinguna sannfærist hún um að eitthvað sé afbrigðilegt við hegðun Violet litlu – hún sé ekki eins og önnur börn.

Eða er það hún sjálf sem eitthvað er að? Manninum hennar finnst hún vera ímyndunarveik og með tímanum fer hún að efast æ meira um dómgreind sína og geðheilsu. Er ættgengt að vera óhæf móðir?

Þegar annað barn fæðist líður henni þó öðruvísi og ástin kviknar strax. En óöryggið gagnvart Violet hverfur ekki; Blythe er alltaf á nálum um að eitthvað hræðilegt gerist. Daginn sem það gerist verður óbærilegur grunur að ískaldri vissu.

Þessi fyrsta bók kanadíska rithöfundarins Ashley Audrain kom út í ársbyrjun 2021, sló strax í gegn og komst á fjölda metsölulista. Ragna Sigurðardóttir þýðir. Hér í lestri Birgittu Birgisdóttur.

© 2024 JPV (Hljóðbók): 9789935295897

Þýðandi: Ragna Sigurðardóttir

Útgáfudagur

Hljóðbók: 22 november 2024