Jólaminningar

Hvaða minningar á fólk frá bernskujólunum? Hvert er gildi þessarar stórhátíðar? Í þessari hljóðbók, sem Jónas Ragnarsson tók saman og nefnist Jólaminningar, eru frásagnir af jólasiðum fyrir meira en einni öld, rætt við tólf þekkta Íslendinga um jólin í þeirra lífi og rifjaðar upp fréttir af jólahaldi á tuttugustu öld. Tilhlökkunin og tilfinningarnar hafa lítið breyst en umgjörðin er gjörbreytt. Þeir sem rætt er við eru Gissur Ó. Erlingsson, Jenna Jensdóttir, Salome Þorkelsdóttir, Ingibjörg Þorbergs, Vigdís Finnbogadóttir, Ragnar Bjarnason, Ómar Ragnarsson, Ragnheiður Ásta Pétursdóttir, Karl Sigurbjörnsson, Ólöf Kolbrún Harðardóttir, Geir Jón Þórisson og Magnús Scheving. Elsti viðmælandinn er hundrað ára, sá yngsti rúmlega fertugur. Allt þetta fólk á dýrmætar jólaminningar – um samveru fjölskyldunnar, kyrrðina, eplalyktina, kertaljósin, jólalögin og fleira. Hin eina sanna jólabók. Það eru leikararnir Arnar Jónsson og Lára Jóhanna Jónsdóttir sem lesa. Ragnar Jónasson rithöfundur og sonur Jónasar les inngang að bókinni.

© 2020 Jónas Ragnarsson (Hljóðbók): 9789935517616

Útgáfudagur

Hljóðbók: 6 november 2020