Lápur, Skrápur og jólaskapið

Það eru allir komnir í jólaskapið í Grýluhelli. Allir nema Lápur og Skrápur. Grýla er ekki sátt við þessa syni sína og sendir þá af stað til að leita að jólaskapinu og bannar þeim að koma til baka áður en þeir eru búnir að finna það. Leitin ber tröllastrákana inn í herbergi til Sunnu litlu og hún ákveður að hjálpa þeim við leitina. Það reynist vandasamt verk og saman lenda þau í allskonar ævintýrum. Verkið er eftir Snæbjörn Ragnarsson og því er leikstýrt af Önnu Bergljótu Thorarensen. Þau Andrea Ösp Karlsdótir, Guðjón Þorsteinn Pálmarsson og Ólafur S.K. Þorvalz fara með öll hlutverkin. Tónlist og söngtektar eru eftir Snæbjörn Ragnarsson utan við eitt lag sem Arngrímur Arngrímsson samdi.

Útgáfudagur

Hljóðbók: 23 november 2022