Norrlands Akvavit

Á fimmta áratug tuttugustu aldar varð mikil trúarvakning í Vesturbotni í Svíþjóð. Þar lék trúboðspresturinn Olof Helmersson stórt hlutverk. Hann var þekktur fyrir kraftmiklar predikanir, auk þess sem hann var ákafur baráttumaður fyrir bættri tannhirðu. Þegar vakningaraldan tók að dvína hvarf presturinn á braut og enginn vissi hvað um hann varð. Hálfri öld síðar snýr hann aftur. En þá var allt breytt í innsveitum Vesturbotns – nema brennivínið, Gammal Norrlands Akvavit. Torgny Lindgren (1938–2017) var einn mesti stílsnillingur sænskra nútímabókmennta. Hann var ljóðskáld, skáldsagnahöfundur og leikskáld. Lindgren hlaut margvíslegar viðurkenningar fyrir verk sín og var kjörinn í Sænsku akademíuna árið 1991. Bækur hans hafa verið þýddar á yfir 30 tungumál. Þetta er fjórða bók Lindgrens sem kemur út á íslensku en hinar eru Naðran á klöppinni, Fimm fingra mandlan og Randafluguhunang.

© 2022 Ugla (Rafbók): 9789935215994

Þýðandi: Heimir Pálsson

Útgáfudagur

Rafbók: 3 maj 2022