Ég á teppi í þúsund litum

Hún á erfitt með að sýna væntumþykju en getur töfrað fram mikilfenglegar máltíðir úr tómu búri. Hún er góðum gáfum gædd en hefur ekki fengið að njóta hæfileika sinna. Hún er einstæð móðir og stýrir stórri vél í plastverksmiðju. Hún er Birte, móðir höfundarins Anne B. Ragde. Bókin birtir í senn skemmtilega og þversagnakennda mynd af duglegri og þrjóskri konu sem lést eftir erfið veikindi árið 2012. Af innileika og kímni segir Ragde frá uppvaxtarárum sínum í Þrándheimi fyrir og eftir skilnað foreldranna og lífi móður sinnar eftir að dóttirin flutti að heiman. Síðustu mánuði ævinnar leið Birte miklar þjáningar á undirmönnuðu hjúkrunarheimili og láta lýsingarnar á því skeiði engan ósnortinn. Ég á teppi í þúsund litum er grípandi saga um lífsþrótt og seiglu, um skort á umhyggju, um þakklæti og óræða þrá – og um það hvernig komast skal hjá því að kalkúnninn verði of þurr.

© 2022 Mál og menning (Hljóðbók): 9789979347798

Þýðandi: Silja Aðalsteinsdóttir

Útgáfudagur

Hljóðbók: 7 juli 2022