Ósk

Hann á sér eina ósk. Árið 1994. Hann er á miðjum fertugsaldri þegar hann greinist óvænt með alvarlegan sjúkdóm. Farsæll fatakaupmaður, kvæntur og faðir tveggja ungra barna stendur skyndilega frammi fyrir þeim ískalda möguleika að senn muni dagar hans taldir. Hann hefur frá barnæsku búið yfir djúpstæðu leyndarmáli um sjálfan sig. Við að horfast í augu við dauðann fyllist hann knýjandi þörf fyrir að allur sannleikurinn um lífsglímu hans komi fram í dagsljósið. Og í kapphlaupi við dauðann hefst hann handa við að skrifa sín eigin eftirmæli ... Ósk er listavel skrifuð skáldsaga um erfitt hlutskipti einstaklings á seinni helmingi síðustu aldar. Hver er ég? Af hverju er ég eins og ég er? Hvað get ég gert? Frásögnin sveiflast á milli örvæntingar og vonar, trúar og efa, ástar og haturs, gleði og harms. En umfram allt er þetta mannleg saga, í senn átakanleg og skemmtileg. „Ósk er skemmtileg, vel skrifuð og vel byggð saga sem nær lesandanum á sitt vald og heldur honum við efnið.' - Friðrika Benónýsdóttir, Fréttablaðinu. „Það er í raun og sama hvar borið er niður ... Höfundur gerir allt jafn vel, hvort sem snýr að stíl, uppbyggingu, umhverfi eða persónusköpun.' - Sigríður Albertsdóttir, Viðsjá, Rás 1 Ríkisútvarpinu

© 2025 Storyside (Hljóðbók): 9789180905626
© 2025 Storyside (Rafbók): 9789180905633

Útgáfudagur

Hljóðbók: 17 mars 2025
Rafbók: 17 mars 2025