Hlustið þér á Mozart?

Einu sinni var ung stúlka, sem hét Lovísa. Hún hitti prins og kyssti hann. Lovísa og prinsinn giftust og lifðu hamingjusöm þar til prinsinn tók að breytast í frosk. Hann varð ekki grænn, hann kvakaði ekki um nætur, hann hoppaði ekki í garðinum. Lovísu hefði þótt það skemmtilegra.

Hvað getur Lovísa gert? Getur hún haft froskalæri í forrétt? Eða getur hún fundið annan frosk í afleysingar? Hvar finnur hún þann frosk? Og hvers vegna lætur hún mömmu hírast í hálsbindaskápnum? Hvers vegna lét hún taka fósturbróður Haralds hárfagra af lífi? Af hverju myrti hún ekki tengdaföður sinn? Fær hún atvinnuleyfi í Rio de Janeiro? Eða fer hún að selja merki? Getur hún klippt táneglurnar á sér sjálf? Tekst Robert Redford að fá hana til að fara í andlitslyftingu? Eru bandarískir sendisveinar kynóðir? Er Lovísa vitskert? Er froskurinn hennar kannski dulbúinn prins, þó hann dreymi bréfaklemmur í svart/hvítu?

En, umfram allt, er einhver hér sem HLUSTAR Á MOZART?

Hér er enn ein perlan frá Auði Haralds, hér í dásamlegum lestri Maríönnu Clöru Lúthersdóttur.

© 2022 Storyside (Hljóðbók): 9789179890674
© 2022 Storyside (Rafbók): 9789179890681

Útgáfudagur

Hljóðbók: 28 januari 2022
Rafbók: 28 januari 2022