Hugarheimur morðingja - Breskir raðmorðingjar. 5. þáttur: Robert Black

Raðmorðinginn Robert Black rændi, misnotaði og myrti ungar stúlkur í Skotlandi. Hann náði að drepa þrjár stelpur á aldrinum 4-11 ára, en við réttarhöldin þótti ljóst að fórnarlömbin voru mun fleiri. Lögreglan var lengi ráðalaus þrátt fyrir víðtækar mannaveiðar. Það var ekki fyrr en nágranni handan götunnar varð vitni að mannráni að Black var loks gripinn. Blaðakonan og glæpasagnahöfundurinn Lone Theils hefur alltaf verið heilluð af sönnum sakamálum og raðmorðingjum. Afhverju drepur fólk, aftur og aftur? Er um að ræða hreina illsku? Eða er eitthvað annað sem spilar þar inn í? Hvernig kemst að lokum upp um morðingjana? Lone Theils hefur starfað sem blaðakona á Bretlandseyjum í 16 ár, og í þessu hlaðvarpi beinir hún kastljósinu að frægustu raðmorðingjum Bretlands. Hún reynir að komast til botns í hvað gerðist og reynir að skilja hvað fær sumt fólk til að drepa aftur og aftur. Í glæpasögum sínum sækir hún gjarnan innblástur í raunveruleikann, en jafnframt hefur hún oft upplifað að raunveruleikinn geti verið hrikalegri en hverskyns skáldskapur. Það á ekki síst við um morðin sem fjallað er um í hlaðvarpinu.

© 2021 Storytel Original (Hljóðbók): 9789180119825
© 2021 Storytel Original (Rafbók): 9789180366144

Þýðandi: Halla Sverrisdóttir

Útgáfudagur

Hljóðbók: 5 april 2021
Rafbók: 22 december 2021