Klökkna klakatár

Eftir andlát þjóðfrægs rithöfundar sest ekkja hans niður og tekur til við að koma skikki á gífurlegt safn skjala sem hann lét eftir sig. Hún reynir að henda reiður á þeim óvæntu upplýsingum sem koma upp úr kös gulnaðra pappíra úr slitnum plastpokum. Hún les og tengir sögu hans við sína, enda höfðu þau átt langt samlíf og stormasamt. Hún leitar skýringa, vill vita hvað búi að baki skapbrestum hans og sviksamlegri háttsemi. Hún kafar djúpt í endurminningar sínar um samvistir þeirra, reynir að muna allt, fer úr einni minningu í aðra, þræðir þær upp á trosnaðan streng sem svo slitnar þegar síst varir.

Hjartnæm, einlæg og átakanleg saga manns og konu sem unnast en fá ekki notið hvort annars. Þetta er bók sem lætur engan ósnortinn, rituð af óvanalegum stílþrótti og myndauðgi.

Ragnhildur Bragadóttir er sagnfræðingur og upplýsingafræðingur að mennt og las ennfremur bókmenntir og sálfræði við Háskóla Íslands. Hún hefur starfað víða, meðal annars sem forstöðumaður bókasafna, skjala stjóri, þýðandi og ritstjóri, samið sagnfræðilegar greinar í blöð og tíma rit, og flutt erindi af ýmsu tagi. Þetta er fyrsta skáldsaga hennar.

© 2025 Ugla útgáfa (Hljóðbók): 9789935330444

Útgáfudagur

Hljóðbók: 8 mars 2025