Meydómur: Sannsaga

,,Hún ætlaði alltaf að skrifa þér bréf, segja að hún elskaði þig, segja að hún hataði þig segja hver hún væri, að hún væri skyggn, að hún væri önnur, að hún væri falleg og fyndi til, segja þér til syndanna, segja þú værir ljótur, að þú værir vondur, segja að hún vildi eignast pabba, að föðurgervið væri lélegt og trúðsgervið sömuleiðis, já, hún ætlaði alltaf að skrifa þér bréf eins og Kafka, spyrja hvort þú héldir virkilega að þú værir tvíburabróðir guðs.“

Fullorðin dóttir kynnir sig hér fyrir látnum föður sínum í listilega skrifuðu bréfi sem jafnframt er bréf til ungu meyjarinnar sem hún eitt sinn var. Meydómur er saga af leiðinni sem hún fetar frá sakleysi bernskunnar til uppreisnar unglingsáranna þegar meydómi hennar lýkur. Saga sem rífur í hjartarætur lesandans.

,,Hlín veitir fágæta innsýn í hugarheim barns, ekki síst stúlkubarns, sem reynir að átta sig á kvenleikanum. Frásögnin er full af harmi og gleði sem verður aldrei yfirborðsleg.“ ­– Sæunn Kjartansdóttir

„Saga sem rífur í hjartarætur lesandans.“ – Rúnar Helgi Vignisson

Auk fimm bóka hefur Hlín skrifað fjölda leikrita, aðallega fyrir leiksvið en einnig fyrir útvarp og sjónvarp, m.a. Konur skelfa (1996) sem sýnt var við metaðsókn í Borgarleikhúsinu, Gallerí Njála (1997), Faðir vor (2004) og Flóttamenn (2011). Hún hefur leikstýrt í helstu leikhúsum landsins, t.d. hjá Leikfélagi Akureyrar, Leikfélagi Reykjavíkur og í Þjóðleikhúsinu. Hún þýddi og leikstýrði Hræðileg hamingja eftir Lars Norén hjá Alþýðuleikhúsinu og síðar þýddi hún Laufin í Toscana fyrir Þjóðleikhúsið eftir sama höfund. Hlín hefur kennt ritlist og leiklist við Kvikmyndaskóla Íslands, Listaháskóla Íslands og Háskóla Íslands. Hún hefur enn fremur starfað sem dramatúrg og verið leiklistargagnrýnandi á DV og RÚV.

© 2022 Storyside (Hljóðbók): 9789180560467
© 2022 Ormstunga (Rafbók): 9789979631422

Útgáfudagur

Hljóðbók: 25 februari 2022
Rafbók: 25 januari 2022