Jólasögur Skjóðu - Ætla að verða jólasveinn

Ég heiti Skjóða, Skjóða Grýludóttir. Já einmitt, ég er sko dóttir hennar Grýlu, Grýlu sem í næstum 1000 ár var hættulegasta tröllskessa á Íslandi en er núna orðin jólamóðir okkar allra. Já og svo er ég dóttir hans Leppalúða, tröllkarlsins sem man aldrei hvað ég heiti. En það er kannski ekki skrýtið að rugla saman nöfnum þegar það eru fleiri en 100 tröllabörn á heimilinu. Jább, ég á sko fleiri en 100 systkini. Þið þekkið okkur alveg örugglega ekki öll, en ég er samt nokkuð viss um að allir kannist við bræður mína þrettán, þessa sem klæða sig í rauð föt fyrir jólin og koma til byggða einn í einu til að gleðja góða krakka, nefnilega jólasveinarnir. Ég hlakka til að segja ykkur söguna því hún er svo skemmtileg!

—---------

Höfundur: Anna Bergljót Thorarensen Tónskáld og hljóðblöndun: Björn Thorarensen Lestur: Andrea Ösp Karlsdóttir

© 2024 Kraðak (Hljóðbók): 9789935257017

Útgáfudagur

Hljóðbók: 19 november 2024