Marco-áhrifin

Marco er ungur drengur af erlendum uppruna sem stundar hnupl og rán á götum Kaupmannahafnar – og hann er flinkur þjófur. Hann er líka greindur og ráðagóður en fastur undir járnhæl frænda síns, glæpaforingjans Zola. Þegar Marco áttar sig á skelfilegum áformum frændans og afræður að flýja hrasar hann nánast um lík af manni; embættismanni sem hefur þvælst fyrir slóttugum bröskurum með vafasamar fyrirætlanir í tengslum við danska þróunaraðstoð í Afríku. Í kjölfarið er það ekki aðeins Zola frændi sem er á hælum Marcos …

Marco-áhrifin er fimmta bókin um Carl Mørck og félaga í Deild Q í dönsku lögreglunni. Jussi Adler-Olsen er um þessar mundir óumdeildur konungur danskra glæpasagnahöfunda og hefur safnað að sér öllum helstu verðlaunum á því sviði. Áformað er að bækurnar um Deild Q verði tíu talsins og þegar er farið að kvikmynda þær með góðum árangri.

Jón St. Kristjánsson þýddi og hér birtist hún í frábærum lestri Davíðs Guðbrandssonar.

© 2022 Vaka-Helgafell (Hljóðbók): 9789979227106

Þýðandi: Jón St. Kristjánsson

Útgáfudagur

Hljóðbók: 25 augusti 2022