Paradísarfórn

Farþegaþota heldur af stað frá Stokkhólmi til New York. Skömmu eftir flugtak finnst hótunarbréf um borð. Kröfum er beint að sænskum og bandarískum stjórnvöldum; ef þær eru ekki uppfylltar verður flugvélin sprengd. Á að hætta við að vísa grunuðum hryðjuverkamanni frá Svíþjóð og leggja niður leynifangelsi í Afganistan – eða stefna lífi fjögur hundruð saklausra farþega í voða?

Lögregluforinginn Alex Recht stýrir aðgerðum Svía ásamt hinni litríku Eden Lundell frá öryggislögreglunni. Brátt kemur í ljós að málið teygir anga sína víða – allt inn í flugstjórnarklefann. Bandaríkjamenn óttast nýja hryðjuverkaárás og neita að taka við flugvélinni. Eldsneytistankarnir eru að tæmast og tíminn að renna út …

Kristina Ohlsson er einn vinsælasti glæpasagnahöfundur Svíþjóðar og nýtir hér eigin reynslu sem öryggisráðgjafi hjá embætti sænsku ríkislögreglunnar í æsispennandi sögu um hryðjuverkaógnir.

Jón Daníelsson þýddi.

© 2024 JPV (Hljóðbók): 9789935295415

Þýðandi: Jón Daníelsson

Útgáfudagur

Hljóðbók: 12 augusti 2024