Vítisfnykur

Malin Fors hefur yfirgefið Linköping og sest að í Bangkok í Taílandi þar sem hún gegnir tímabundnu starfi á vegum sænsku lögreglunnar. Drykkja hennar hafði keyrt um þverbak vegna óreiðu í einkalífinu og sakamáls sem henni tókst ekki að leysa. Einsemdin þjakar hana og freistingar eru á hverju götuhorni. En eins og jafnan finnur hún sálarró í vinnunni. Sænsk kona er myrt með hrottafengnum hætti í Bangkok. Hver er hún? Hvert er samband hennar við Taílendinginn sem virðist vera næsta fórnarlamb? Tengjast morðin ef til vill atburðum í fortíðinni? Mons Kallentoft er einn af þekktustu rithöfundum Svíþjóðar. Ritröð hans um Malin Fors, lögregluforingja í Linköping, hefur notið mikilla vinsælda víða um lönd. Vítisfnykur er tíunda bókin um Malin Fors en hinar níu — Sumardauðinn, Haustfórn, Vetrarblóð, Vorlík, Fimmta árstíðin, Englar vatnsins, Sálir vindsins, Moldrok og Brennuvargar — hafa selst í milljónum eintaka og verið þýddar á nær 30 tungumál. „Kallentoft hefur sjaldan skrifað af jafn mikilli innlifun. Afar áhrifarík bók, mögnuð spenna og lifandi persónusköpun.“ Upsala Nya Tidning „Æsispennandi og djúphugsuð saga sem vekur margar forvitnilegar spurningar.“ DAST Magazine „Enginn tekur Mons Kallentoft fram í því að byggja upp spennu ... Og ef maður hefur komið til Bangkok upplifir maður á ný svitann, lyktina og hávaðann. Dásamlegt!“ Skareborgs Allehanda

© 2021 Ugla útgáfa (Hljóðbók): 9789935213150
© 2021 Ugla útgáfa (Rafbók): 9789935215338

Þýðandi: Jón Þ. Þór

Útgáfudagur

Hljóðbók: 21 april 2021
Rafbók: 11 maj 2021